Huntawp dawna penalty an chawi chu Bayern Munich in an tuar a. An khingpuiten si phurh sut nan hmang tangkai in 2-2 in Stuttgart nen an inhnehtawk.
Inrinni zana Allianz Arena -ah Bayern Munich in chak theihna hun an hloh a. Inkhel an dahthat theih loh tuar lehin a zawna vawi thum nan league inkhelah point thum an hmu thei lo.
Bayern hian bul tan tha zawkin lakluh thar rawlthar forward Mathys Tel chuan minute 36-naah goal a khung a. Hei hi minute 60-naah Jamal Musiala chuan a belh.
France youth international Tel hi kum 17 leh ni 136 a upa niin Bayern Munich taka Bundesliga a goal khung thei naupang ber a ni.
Second half-ah an kheltha chhunzawm thei lo thung a. Minute 57-naah Chris Fuhrich chuan an si phurh a sut a, huntawp dawnah Matthijs de Ligt penalty chawi avangin Stuttgart in an si phurh an sut nawn leh.
“Inkhel kan dahthat a ngai a, goal thumna kan neih a pawimawh. A nih loh chuan beisei tur an nei a, 2-2 kha an phu a ni.” Bayern coach Julian Nagelsmann chuan a ti.