Paris Saint-Germain tan Neymar chuan tun season Ligue 1-ah a goal 8-na a khung a. Brest lakah 1-0 in a team a chakpui.
Parc des Princes-ah tun seasohn a tlawm la nei lo PSG in an mikhualte hnehin an la tlawm loh chu an chhunzawm zel a. Inkhel erawh a awlsam lo.
An goalkeeper Gianluigi Donnarumma chuan Islam Slimani penalty a dansak a ngai.
An inkhelh hma a goal 16 chhuah tawh Brest hi minute 30-naah Lionel Messi leh Neymar te inkawpin an thiat a. Second half-ah erawh an Brest lakah an inven uluk a ngai hle.
PSG head coach Christophe Galtier chuan, “Halftime hma leh hnu kha a danglam hlak. First half-ah chance kan ngah a, goal khung kan phu. Second half-ah erawh tihsual kan ngah hle a, kha khan Brest tan khan kawng a hawng leh a ni.” tiin inkhel a thlirlet.