Prince William leh Prince Harry te bakah an nupui te ve ve an inlan ho meuh chuan chik leh enzui an hlawh. Nupui an chhawnchhaih danah Prince William-a’n sel a hlawh hle laiin, a nau zawk chet dan in fak a hlawh thung.
Queen Elizabeth II thihna vanga unau inhmuh lehna ah hian an inbiak dan te nen lam thlir zui a ni a, Fox News tarlan danin, Prince of Wales (William) hian a nupui Kate Middleton a ngaihsak tehchiam lo niin a lang a, video-a a lan danah Duke of Sussex (Harry) hian a nupui Meghan Markle hi a ‘care’ thiam hle thung.
Prince Hary hian an motor chuan honna lam an pan hnu-ah a nupui luh dawnin car kawngkhar a va hawnsak thlap a, Prince Willam leh a nupui erawh a hrang ve ve in an lut thung.
Twitter lamah inhnialna leh thu inchuhna a tam zui hle a, Harry-a’n a nupui tan kawngkhar a hawn sak a, a himna a ngaihtuah dan te an fak chiam mai.
Prince William hi a pa King Charles III nena khaikhin niin, a nupui hlui leh boral ta ni bawk Princess Diana ngaihsak lo leh duat tawk lova puhna thlengin a ri zui nghal a, thu mu hnu an kaitho thar leh a ni ber.
“Harry hi gentleman dik tak a ni a, William hian a pa tihdan a zir,” tiin comment pakhatah a lang.