BTS member Kim Taehyung (V) chuan mel lung thar leh chhinchhiahtlak a phun leh ta a, Vogue Korea magazine cover-a a lan hnu ah he magazine hian pre-order maktaduai khat chuang a nei nghal.
Vogue Korea cover-a a thlalak lang hi ARMY lamin an umzui rang hle a, ‘Icon of An Era’ tih inziak nena lanna hi social media platform-ah sawi hat hat tlingin, ‘trending’ chak ber pawl a ni pha.
Magazine cover-ah hian milar innei thar te thlalak a nih ngawt loh chuan single thlalak atang hi chuan copy nuai tam hralh chhuah hi thil harsa leh huphurhawm tak a ni thin a, mahaerawhchu he ngaihdan leh pawmdan hi V hian chiang kuang takin a rawn thiat darh nghal a ni ber mai.
BTS member zinga Vogue cover-a lang hmasa ber Taehyung vang hian Vogue Korea pawhin tlangzarh hma hauh atangin pre-order maktaduai khat chuang a dawng tawh.
He magazine chanchin-a heti ang boruak an tawn vawikhatna a ni nghal bawk.