Mizoram sorkarin state pawnah Mizoram House pakua a nei a, house-te enkawl nan kum khatah Rs vbc 89 chuang hman ral thin a ni.
General Administration Department (GAD)-in an tar lan danin Mizoram sorkarin New Delhi leh Kolkata-ah Mizoram House pahnih ve ve, Mumbai, Guwahati, Silchar, Shillong leh Bengaluru-ah pakhat theuh a enkawl mek.
Khawpui hrang hranga Mizoram House enkawl nana sum hman dan hi a inang lo hle a, New Delhi-a pahnih enkawl nan kum khatah Rs 2,20,27,968 hman thin a ni a, Kolkata-a pahnih enkawl nan Rs. 3,16,73,844 hman ral thin a ni.
Khawpui dang, Mumbai-a Mizoram House enkawl nan kum khatah Rs 38,34,300 sen thin a ni a, Guwahati-a enkawl nan Rs 1,43,31,300, Silchar Mizoram House enkawl Rs 79,02,768, Shillong Mizoram House enkawl nan Rs 91,04,856 leh Bengaluru Mizoram House enkawl nan kum khatah Rs 4,86,360 sen thin a ni.
New Delhi leh Kolkata-ah house pahnih ve ve a awm avangin thawktu pawh hmun dang aiin an tam a, New Delhi-a Mizoram House pahnihah thawktu 50 awmin, Kolkata-a 70 an awm.
Khawpui dang, Mumbai Mizoram House-ah thawtu 13, Guwahati-ah 30, Silchar-ah 22 leh Bengaluru Mizoram House-ah paruk an awm a. Mizoram House pakuaa thawktu awm zawng zawng chu 213 niin, an zinga 98 chu a ngheta thawk an ni.