Aizawl : Piramal Foundation-in nimin khan Aspirational district collaborative hnuaia campaign-na zinga pakhat ‘Buniyadi Shiksha Abhiyan’ khuhhawnna Mamit-ah an buatsaih a, Mamit district Addl DC, SP leh aspirational district programme nodal officer ten an telpui.
Campaign khuhhawnnaah hian Miranda Lalramhluni Chhehlawn, District lead, Piramal Foundation Mamit district-in ‘Buniyadi Shiksha Abhiyan’ chungchang a sawifiah a. Mamit district education system-a foundational literacy and numeracy (FLN) a changtlunna tur leh zirlai naupang ten an zirlai bakah an nunphungah chiang zawka an hman theih dan tur te, zirtirtute leh khawtlang mipui te nena awareness leh zirlaite zirna kawnga an puih theih dan tur chungchangte an sawiho bawk.