Zote Honda Mizoram Premier League season 9 round hnihna Thawhtanni khan khelh a ni a. Chhinga Veng FC leh Chawnpui FC ten hnehna an chang.
Rajiv Gandhi Stadium a inkhel hmasa zawkah vawi hnih champion tawh Chanmari FC in kum 2017-18 champion Chhinga Veng FC an hmachhawn.
Chhinga Veng FC in first half-ah Lalthankhuma Duhvel hmangin goal an khung a. Second half-ah Lalchhanchhuaha’n an goal hnihna khung lehin 2-0 in an chak.
Chhinga Veng hian Zirtawpni chhunah FC Venghnuai an hmachhawn leh ang.
Inkhel hnuhnung zawkah Venghnuai leh Chawnpui FC an inkhel a. 1-0 in Chawnpui in hnehna an chang.
Inkhel a goal awmchhun hi Lalliansanga’n minute 66-naah a khung a. Chawnpui hian Ningani-ah Police an tum leh dawn.