AZL: Gauhati High Court judge, Justice Nelson Sailo chuan nimin khan Central Jail, Aizawl-a tang mekte a tlawh.
He hunah hian jail tangte dan leh hrai zirtirna neih nghal a ni a, Justice Nelson Sailo hian jail tangte hnenah dan bu Mizo tawnga lehlin copy eng emaw zat legal provision leh punishment provision te a sem.
Judge chuan Jail tangte fuihin jail an tan hun chhung chu rilru leh taksa lama insiam that nana hmang tur leh an chhuah hnu pawh a chhungkhat leh thenawm khawvengte tan mi tangkai ni thei tawh zawk turin a fuih a ni.
Gauhati High Court judge tho Justice Robin Phukan pawhin nimina khan Central Women Jail tlawhin, he hunah pawh hian dan leh hrai inzirtirna hun hman a ni bawk.
Judge hi High Court Legal Services Committee member atana ruat MHIP Gen. Hqrs President leh nominated member-ten an tawiawm bawk a ni.