Aizawl : Chief Minister Zoramthanga’n nimin tlai khan Delhi-ah Prime Minister Narendra Modi chu a chenna in ah hmuin, Mizoram mamawh hrang hrang a thlen.
Chief Minister Zoramthanga chuan Myanmar-a remna siam turin India-in hma a lak a tul thu Prime Minister hnenah chuan a thlen a. Prime Minister pawhin remna siam chu mihringte tih tur pangngai a nih thu leh, theihtawp chhuah a nih tur thuin Chief Minister chu a lo chhang.
Aizawl khawpui chh- ung atanga Assam Rifles sawn chhuah thuai a tul thu pawh Chief Minister Zoramthanga chuan Prime Minister hnenah hian a thlen a. MNF returnee-te tana insakna tur puihna tura hmachhawp te tihhlawhtlinna tur chungchangte, mipuiin HUDCO atanga loan an lak Rs. vbc 18 vel la rulh loh rulhsak tura ngenna te, Mizorama Chief secretary atana Mizo tawng thiam ngei dah tul an tih thu te leh tul leh pawimawh dangte Prime Minister hnenah chuan a thlen bawk.