Tlangzarh Ni ah BlackPink album thar, ‘Born Pink’ chuan K-pop chanchinah history siamin, maktaduai khat chuang an hralhchhuak.
‘Born Pink’ hi September 16 khan tihchhuah niin, BlackPink album puitling pahnihna ni bawk hian ram hrang hranga music charts-ah pakhatna an hauh nghal fur.
Hanteo Chart tarlan danin, ‘Born Pink’ hi September 16 khan copy 1,011,266 hralh chhuah niin, Hanteo chanchina hmeichhe artist zinga album tlangzarh Ni a copy maktaduai khat chuang hralh thei hmasa ber leh awmchhun an ni.
BTS leh SEVENTEEN te’n record an lo siam tawh an nih rualpui ta chiah a, K-pop hmeichhe artist zingah erawh an dinhmun elpha leh tluk tur an la awm lova, BlackPink hian hun rei tak ro an la rel chhunzawm ngei tura ngaih a ni.
BlackPink hian 2020 kuma album puitling an tihchhuah hmasa ber, ‘THE ALBUM’ in nikhat thil thua copy 589,310 an lo hralhchhuah tawhna pawh tun tumah hian an khum hneh hle.