Manipur Police chuan online news portal ‘Frontier Manipur’ editor-te chu an thuchhuah avanga ram phatsan zawnga che leh beia puhin thubuai an siamsak.
An thu chhuah hi January 8, 2021-a tihchhuah kha a ni a. A ziaktu, M Joy Luwang pawh thubuai an siamsak bawk.
Police chuan an thuchhuah chu firfiak pawlte thlawpna lam hawi tiin Unlawful Activities (Prevention) Act hmanga thubuai an siamsak thu an sawi.
An thuchhuah hi ‘Revolutionary journey in a mess’ tih a ni a, a ziaktu pawh hi he dan tlawhchhan tho hian thubuai siamsak a ni.
Thu ziakah hian kum 1960 chho vel atanga Manipur-a ralthuam nena chhuak helho chet dan vel ziah a ni a, helho chet dan duhkhawp lohna lam hawi a ni.
Luwang-a hian heng hel pawl hrang hrangte hi India sorkarin an tha tihchah nana ruahmanna a siamah an tawlh thlu a, an tum an hlen lo nasa tih lam hawiin a ziak a. An chet dan chu an tum an hlen theih loh chhanah a puh bawk.