Facebook hmuchhuaktute zingami Mark Zuckerberg hausakna chu kuminah hian $billion 71 (₹5.65 lakh crore) zetin a tlahniam niin, Bloomberg Billionaires Index thar berah tarlan a ni.
Meta CEO ni bawk hi khawvela billionaire thlanchhuah zingah 2014 hnu lama a tawn hniam ber tawng mekin, 20-naah a awm mek.
Kum hnih hmalamah khan kum 28 mi hausakna hi $billion 106 (₹8.44 lakh crore) ni hmaanin, Jeff Bezos leh Bill Gates chiah kha a pha lo thin a, Nikum September khan a tawnsan ber tumin tawng chhoin $ billion 142 ah a kai chho. Tunah erawh a tla vawng vawng a ni ber mai.
Nikum october khan Zuckerberg hian Meta hmelhriattir tanin Facebook Inc. chu a thlak danglam ta a, heta atang hian ngaiawh hlei thei tawh lovin company hi a chhuk zawngin a tlan thla ta par par mai a ni.
Kumin February liam taa Facebook user pun belh miah loh thu report a awm ta khan company dinhmun that tawk lohzia leh siamthat ngai liantham a awm tih chiang takin khawvel hriatah pholan a ni a, monthly anga user an pung miah lo chu Zuckerberg tan pawh ngaihthatna tur pakhatmah a awm lo.