Myanmar hmar lamah sipai helicopter-ten sikul an kahnaah naupang 11 vel an thi a, 15 chuang chin hriat lohvin an awm mek bawk niin Unicef chuan a sawi.
Sipai leh helicopter gunship hmangin Zirtawpni khan helho tamna, Sagaing region-a temple school an kap a ni.
Myanmar sipai sorkar chuan Let Yet Kone khuaa an mi beihte hi hel niin sikulah hian an biru niin a sawi.
Sikul naupangte hi kindergarten atanga tleirawl tawhte an ni hlawm.
Unicef-in a puan hma hian BBC Burmese service chuan naupang paruk vel thah an nih thu a lo tar lang tawh a, mipa naupang pahnih, kum sarih leh 14 mi leh hmeichhe naupang pathum, kum sarih, kua leh 11 mite an ni tih a tar lang a. Mipa naupang kum 13 mi pawh a pa nen sangha an man laiin kah fuh a ni bawk.
Naupangte ruang tam zawk hi sipaiten an hlawm niin tar lan a ni bawk.
Hemi ni hian thingtlang khaw mi puitling paruk pawh sipaiin an thah bawk niin BBC Burmese chuan an tar lang a, heng mite hi mipa panga leh hmeichhe pakhat an ni.
Social media-a thlalak thehdarh thenkhatah chuan sikul building-a silaimu luhna kua leh thisen darh pawh hmuh tur a awm niin Reuters chuan a tar lang.
UN hnuaia naupangte changtu, Unicef chuan thlawhna atanga pawngkah chiamnaah naupangte hi an thi niin a puang a. Naupang 15 chin hriat lohte pawh sipaite hi chhuah thuai turin an phut bawk.
“Kimchang zawk ngaihchan mek zel a ni a, Unicef chuan naupang nu leh pa leh an chhungte a tawrhpui tak zet,” tiin Thawhtanni khan thu an chhuah.
“Sikulte hi a him tur a ni a, naupangte hi bei an ni ngai tur a ni lo,” tiin an tar lang tel.