Ni thum awh, State Tourism Ministers Conference, Dharamshala, Himachal Pradesh-a neiha tel, Tourism Minister Robert Romawia Royte-in Mizoram chu ramngaw tamna, lui leh tlang awm dante pawh danglam bik, sik leh sa nuam leh ram ralmuang a nih thu sawiin, “Khualzinte tan chawlh hahdamna tha a ni,” a ti a. Mizoram tlawh turin India mipuite leh foreign mite a sawm.
State Tourism Ministers Conference-ah hian Union Tourism Minister GK Reddy, a thlengtu Himachal Prasesh Chief Minister Jai Ram Thakur leh Union Minister of State pathum bakah Niti Ayog CEO, Niti Ayog Member te leh Union Secretary pathumin thu an sawi bawk a. State hrang hrang tourism minister-te leh official-te bakah India huap tour operator, travel agent, hotelier te bakah corporation leh company lian neitute an tel bawk.