Aizawl : CYMA leh Mizoram State AIDS Control Society (MSACS) tangkawpin HIV/AIDS dona tura -Zoram harh rawh campaign- an kalpui tura Mizo hnam lam leh hla (folk song) a Branch YMA inelna neih dan tur relin nimin khan Khawzawl district level organising committee an thukhawm a, inelna neih hun atan November ni 15-17, 2022 an ruat. October ni 20 ah District Advocacy programme pawh buatsaih ni se, an ti bawk.
Inelna tur hi hnam lam – Cheraw (Kantluang) leh Khuallam a ni ang a, hla-ah – Darmani zai, Lianrikhumi zai, Awithangpa tlawh zai, Labour V force zai, Domangi zai te a ni ang a, heng zai thluk hmanga hla awm sa emaw, AIDS dona atana hla phuah chawp emaw hman theih a ni dawn niin sorkar thuchhuahin a tarlang.
State level-ah December ni 1, 2022 ah inelna neih a ni dawn bawk a. Dist level-a 1-nain Rs. 50,000, 2-na Rs. 30,000 leh 3-nain Rs.10,000 an dawng anga, branch 2 tan consolation prize Rs. 5,000 leh inelnaa tel dangte tan Rs. 1,000 ruahman a ni bawk.