Premier League club Chelsea chuan an commercial director Damian Willoughby chu football finance agent laka mawi lo taka thu a thawn thin avangin an ban.
Willoughby hian thla hmasa a club a zawm hma hian Catalina Kim hnenah hian mawi lo tak taka thu thawn a nei thin a. March thla khan Kim hi West London club lei tum a indawrnaah a tel ve.
Club aiawh chuan hemi chungchang hi sawifiahin, “Chelsea chuan commercial director Damian Willoughby a chhawrna hi a titawp nghal.”
“Willoughby hian tun thla a Chelsea FC a zawm hma in heng thu mawi lo tak takte hi a lo thawnchhuak tih club chuan a chhuichhuak.”
“Club a zawm hma thil nimahsela he club-ah hian hetiang nungchang tan hian hmun a awm loh avangin thutlukna a siam a ni.” tiin a sawifiah.
Kum 2007 atanga 2010 inkar khan Willoughby hian Chelsea ah hian hna a lo thawk tawh.