UFC bantamweight champion thin Cody Garbrandt leh Brazilian veteran Rani Yahya te chu thla thar hian intum tura tih nimahsela an inhliam ve ve avangin a thleng dawn lova. UFC chuan a sawn hla.
October 1 a UFC Fight Night-ah fighter pahnihte hi bantamweight-ah intum tura tih an ni a. Kar hmasa khan Yahya hian a nghawngah hliam a neih avangin UFC in Garbrandt tan hian khingpui thar an zawng.
Mahse Garbrandt hian tunkarah training camp-ah hliam a neih ve avangin an intumna tur hi sawnhlat a ni a. Fight card atangin lakthlak an ni.
UFC senior director of public relations Dave Lockett chuan, “Fighter pahnihte an inhliam ve ve avangin engtik hunah nge kan sawn dawn a la hriat theih loh.” a ti.
Kum 31 mi Garbrandt hi kum 2016 a Dominick Cruz hneh a a champion in a zawna vawi 11 chak lai a ni a. Mahse kum 2017 khan T.J. Dillashaw lakah a champion kawnghren hi hlohin hemi hnu hian a la che tha tluang leh hleithei lo.
Fighter huaisen leh hmuhnawm hi a inlan hnuhnung paruk atangin vawi khat chiah a chak a. A tan cage chhung a luh leh hmasak ber hi MMA khawvela a dinhmun rah mek chianna tura n fiahna pawimawh tak a ni tawh dawn.