Madhya Pradesh sorkara education minister chuan Union Minister of Information & Broadcasting, Anurag Thakur hnenah lehkha thawnin, Ajay Devgn channa, ‘Thank God’ chu chhuah khap bur turin a ngen.
BJP hruaitu ni bawk Vishavas Sarang chuan comedy film thar tlangzarh tur, ‘Thank God’ ah hian Hindu pathiante chu mawi lo leh duhdah taka tarlan a ni, a ti.
Chanchin buatsaih lai hian, ministry lam tangin chhanna hriattur a la awm lova, boruak erawh a rit ru angreng hle nia hriat a ni.
Tunhnai pawh khan Director Indra Kumar film siam, ‘Thank God’ film lakah Lawyer Himanshu Srivastava-a’n thubuai a siam.
He film hian sakhuana a nuihsawh a, sakhawmi tam takte rilru a hliam na ngawih ngawih a ti, November 18 hian Court-in thubuai thehluttu statement a la ang.
‘Thank God’ film hi October 24, 2022 hian tlangzarh a ni ang.