India ramah darkar 24 liam ta chhungin coronavirus kai mi 5,443 hmuh chhuah leh hman niin mi 4,45,53,042-in an kai tawh.
Union health ministry-in a chhinchhiah dan chuan hri kai enkawl lai pung leh hretin mi 46,342 an la awm mek.
Darkar 24 liam ta chhung hian Covid vanga thi mi 26 chhinchhiah belh leh an ni a, heng zinga mi 12 erawh a hma lama thi tawh, Kerala-a chhinchhiah thar an ni a. Heng mite nen hian an vaiin India-ah mi 5,28,429-in an thihpui tawh.
Hri kai hmuh chhuah tawh zawng zawng atanga chhutin a kai enkawl lai hi 0.10% an la ni mek a, 98.71% erawh enkawl dam an ni leh tawh.
Darkar 24 liam ta chhung hian hri kai enkawl lai hi mi 126-in an pung leh hman a ni.
Darkar 24 liam ta chhunga sample endik zinga 1.61% chuan hri an kai tih hmuh chhuah a ni a, chawlhkar khat liam ta chhunga endik zinga 1.73%-in an kai bawk.
Hri kai hmuh tawh zawng zawng zinga mi 4,39,78,271 chu enkawl dam leh tawh niin 1.19%-in an thihpui thung.
Health ministry-in a chhinchhiah dan chuan invenna pek beihpui thlak kal mek zelah vaccine dose vaibelchhe 217.11 pek a ni tawh.
Darkar 24 liam ta chhung bika thi mi 14 zinga panga chu Maharashtra-a mi niin thi tam berna a ni a. Chhattisgarh, Haryana leh Kerala-ah thi an awm bawk.