Union Minister of State, Ministry of Women & Child Development & Ayush Dr. Munjpara Mahendrabhai chuan nimin khan Mamit tlawhin a department chan leh Ayush hnuaia thawktute nen inkawmin an hnathawh dan a enpui.
Union minister hian Sakhi-One Stop Centre, Mamit Dinthar tlawhin mi pakhat enkawl lai an nei mek a. Swadhar Greh tlawh bawkin enkawl lai naupang pahnih leh puitling pali, an vaiin mi paruk an awm mek bawk.
Anganwadi Centre No. 5 leh Ayush OPD te a a tlawh bawk.
Dr. Mahendrabhai chuan hmun hrang hrangte tlawhnaah an harsatna lo thlenin nakin zelah harsatna an nei a nih pawhin biak theih reng a nih thu a sawi a. Sakhi-One Stop Centre leh Swadhar Greh a awm mekte chu anmahnia intungnung thei tur leh inenkawl thei turin vocational training neia thiam thil tha tak neih tum turin a chah.
Ayush OPD-a thawktute pawh an hnathawh dan hrang hrangte a enpui nghal bawk.
Dr. Mahendrabhai hi Tourist Lodge, Mamit-ah Mamit DC leh SP bakah mi pawimawh dangten an lo dawngsawng a ni.