Aizawl: Aizawl veng pakhata hmeichhe naupang kum hnih leh thla nga mi thihna kaihhnawihah All Women Police Station, Aizawl-ah pawngsual thubuai ziah luh a ni.
Police hotuten The Zozam Times an hrilh danin, tun hnaia social media-a sawi hlawh tak, Aizawl veng pakhata hmeichhe naupang thihna kaihhnawihah hian All Women Police Station, Aizawl-ah suo moto-in POCSO section 6 leh Indian Penal Code (IPC) section 376 (AB) tlawhchhana thubuai ziah luh a ni.
He thubuai kaihhnawihah hian naupang chhungte thenkhat thu zawhfiah tawh niin, rinhlelh avanga man erawh an la awm lo va, police-in ngawrh takin thubuai hi an la chhui zui mek.
Dan hnuaia naupangte humhim kawnga thawktute hnen atanga thudawn danin hmeichhe naupang hi thawhah avangin damdawi inah hruai a ni a, September 17, 2022 khan a thi a, naupang serh bawrah hliam rihlelhawm thei a awm avangin thubuai ziah a ni ta a ni.