Union Home Ministry chuan Indo-Bangla ramri hungna, ralven buk leh border outpost siam hna chu West Bengal, Meghalaya leh Mizorama ram luahtute atanga ram pek phal lohna leh duh lohna a nasat avangin a chak thei lo niin a sawi.
“Sorkar chuan ramria hna thawh mek hi a rang thei ang bera zo fel turin hma a la mek reng tho,” tiin home ministry-a thuneitute chuan an sawi.
Home ministry hian Bangladesh nena inrinaah hian hna hrang hrang – ramri hung, nileng zankhuaa vilna tur hmanraw chhawp, ramria patrol leh ramri venbuk siam, ramri tihenna tur hmanrua dahte a buaipui mek.
Arunachal Pradesh chuan ramri hnaihte tihhmasawnna turin 2017-2020 chhungin Rs vaibelchhe 277.16 a dawng a, Assam-in Rs vaibelchhe 168.8 leh Meghalaya-in Rs vaibelchhe 104.64 a dawng.
Tripura-in Rs vaibelchhe 159.41, Sikkim-in Rs vaibelchhe 108.51, Mizoramin Rs vaibelchhe 134.13, Manipur-in Rs vaibelchhe 62.83 leh Nagaland-in Rs vaibelchhe 98.84 an dawng bawk.
“Tun lai thiamna leh hi-tech surveillance equipment hmangin, hmanraw changkang zawk nena intuai tharin, ramri kâna dan lova chet velna thlithlai turin sorkar hian hma a la a ni,” tiin home ministry thuneitute chuan an sawi.
Ramri hnaia awmte tihchangtlunna turin sorkar laipui pawhin Border Area Development Programme (BADP) a kalpui a. Hei hi hmasawnna ruhrel leh dinna atan leh a mi chengte tihhmasawnna tur a ni.
He programme hian state 16 leh union territory pahnih a huam mek.