BLACKPINK chu K-pop hmeichhe group zinga UK chart-a number one album nei thei hmasa ber an ni ta.
South Korean band hian kartawp khan an album puitling, ‘Born Pink’ hmangin a lerah an inhlangkai a, mel lung pawimawh tak an phun.
Official Charts Company hotupa Martin Talbot chuan, “BLACKPINK kan lawmpui e. Chart-a ‘hmasa ber’ nihna hlu leh ropui tak hi lakbo theih mai mai a ni tawh lova, tun thleng hian an album, ‘Born Pink’ chu UK official number one nihna chelhin, K-pop hmeichhe group tana hlawhtlinna duhawm leh ropui takah hian an hming hi nemkai kumkhua a ni tawh ang,” tiin nasa takin a fak a ni.