La Liga champion lai in hnehna chang vek a league season bul an tan chu an chhunzawm thei lova. Huntawp dawn lamah penalty khung lovin Osasuna nen 1-1 in an inhnehtawk.
Pathianni zana Santiago Bernabeu a inkhelah Osasuna defender Unai Garcia chuan minute 79-naah Karim Benzema a ti tlu a, penalty a chawi bakah red card pek a ni.
French striker in goal chungah penalty a pet a, chakna goal khung theihna hun a bawhpelh.
Brazilian forward Vinicius Junior chuan halftime hma in Blancos hi hma a hruaipui a, mahse mikhual team in second half-ah Kike Garcia hmangin an si phurh an sut.
Madrid manager Carlo Ancelotti chuan, “Chak kan phu a, mahse penalty kan khung tlat lo. Hetiang hi thil mak a ni lova, football-ah chuan a thlan chang a awm ve thin.”
“Benzema in a tih tur a ti vek, penalty hlawhchhuak turin a ti tha hle a, mahse a khung lo mai a ni. Chetsual chang a awm ve thin. Hmalam kan pan zel ang.” tiin a sawi.