Kumkhata $Maktaduai 38 (Rs Vbc 312) hlawhchhuaktu chuan heti zat sum a hlawhnaah system hi a bum zawk emaw ni chu aw, a ti ta.
Tunhnai khan Logan Paul chuan Mark Fischbach hnenah sum a hlawh hnem dan em em chungchanga zawhna a siam chu Mark hian ‘atthlak tak a ni’ a ti.
Impaulsive podcast-ah Mark chuan, “Awihawm loh khawpa tam sum ka siam chu a ni a, ‘fair’ lo ka ti ngawt mai. Ka zep peih vel lova, a chhan chu system inbumna hial nia ngaih chang ka ngah mai, a chhan ber pawh heti taka ka hlawhtlinna hi a ni. Ka tum ber chu sum siam la ni lovin, contest siam a, midangte pawh content siam tura chawhphur hi a ni deuh tawp mai,” tiin a sawi.
Chumi rual chuan thil zep theih tak tak pawh a ni lova, a sum hmuh hnem dan em em hi han zep ta ila, thil dik lo tak a ni ngei ang, a ti bawk.
Hetih lai hian, YouTuber MrBeast (Jimmy Donaldson) chuan tunhnai khan a youtube channel katlangin offer $Billion 1 lawih a dawng, tih a sawi a, a chhang ta nge tih erawh hriat a ni lem lo.