Mahindra Pikup 4×4 LPS Pro Muaythai quarterfinal chu Nilaini zan khan khelh tan a ni a. Tualchhung fighter tha te inel a hmuhnawm.
Asian silver medal latu Hunthar fighter Joseph Vanlalhruaia’n rei lo te chhungin Reuben Lalrinmawia a hneh a. Flyweight semifinal-ah Zomuanpuia hnehtu Zemabawk tlangval R Lalbiaktluanga nen an intawng ang.
Indian kickboxing champion Nazareth Lalṭhazuala’n lightweight semifinal a lut a, round thum khel zo lovin amah aia kum 10-a upa David Zairemthanga a nuai tlawm.
Kum 20 mi, Zemabawk tlangval hian D3 Haier Fighter of the Night lawmman Rs 1,500 a dawng.
Weight hrang panga zinga pathum – fly, bantam leh light quarterfinal-a tlaten lawmman Rs 3,000 zel an dawng a. Organising Committee-in a lo rel lawk tawh angin quarterfinal atanga lawmman pawisa fai la thei turin weight khatah mi 16 tal an tel a ngai a, chu bakah lawmman pawisa dawng turin mi pakhat tal hneh a ngai bawk.
Welterweight-a mi 16 tel an tlin loh avangin semifinal lut chinin lawmman pawisa fai an dawng dawn a; super middle open huangah tel pali chiah an awm avangin final lut mi pahnih chauhin lawmman pawisa fai an la thei dawn.
Nilaini result (October 19, Bout : 6)
Flyweight
Joseph Vanlalhruaia (Hunthar) bt Reuben Lalrinmawia (Bethlehem Vengthlang)
= Technical Knockout (Round 1, 1:45 min)
R Lalbiaktluanga (Zemabawk) bt Zomuanpuia (Tuithiang)
= Unanimous Decision (29-26, 28-27, 29-26)
Bantamweight
Eric Biakthianghlima (Thuampui) bt VL Sangzela (Chhingchhip)
= Unanimous Decision (30-27, 29-28, 30-27)
Lalruatkima (Falkland) bt S Malsawmdawnga (Thuampui)
= Technical Knockout (Round 2)
Lightweight
Nazareth Lalthazuala (Zemabawk) bt David Zairemthanga (ITI Veng)
= Technical Knockout (Round 3, 2:48 min)
Welterweight
Isaac Lalchhuanmawia (Chanmari) bt RC Rohlupuia (Dinthar)
= Unanimous Decision (29-27, 29-27, 29-26)
D3 Haier Fighter of the Night
- Nazareth Lalṭhazuala (Zemabawk)
Zirtawpni intum tur (October 21, 8:00 PM – Bout 5)
Flyweight
TZ Munga (Suangbem, Myanmar) v Benjamin Zonunsanga (Luangmual)
Bantamweight
Isak Lalruatfela (Bethlehem Vengthlang) v TC Lalrinawma (Thuampui)
Lightweight
Lalrohlua (Dinthar) v Ngursaimawia (Luangmual)
Welterweight
Zarmawia (Chite Veng) v Vanlalchhuanga (Dawrpui Vengthar)
Muanpuia (East Phaileng) v Lalchhuanmawia (Republic Vengthlang)