Prime Minister Narendra Modi-a bial, Varanasi-a Nilainia ISIS firfiak pawla mi man a nih hnuah Indo-Nepal ramri-ah inralrinna dar khawn nghal a ni tih Uttar Pradesh-a thuneitu sangin a sawi.
Sashastra Seema Bal (SSB) Assistant Commandant Lalit Mohan Doval chuan Zirtawpni khan Sonauli ramri, Maharajganj district-ah inralrin a ni tih a sawi.
Ramri kântu apiang chu uluk taka endik zel an ni a, sipaite pawh inring renga awm tura tih an ni thu a sawi a. Sonauli main gate-a uluk taka thu zawh leh enchian an nih hnua chauh India-a luh phalna pek thin an ni tih Doval chuan a sawi.
SSB miten Bhagwanpur, Shyamkot, Danda Head, Khanua, Hardidali, Sundi, Mudila, Chandithan leh Sampatiha khua atanga chhuak kawngpui pawh uluk takin an vil reng a. Rinhlelhawm deuhte chu thu zawh chian an ni a, an nihna hriat chian a nih hnuah chauh ramri kântir an nih thu Doval-a chuan a sawi.
Thuneitu sang dangte pawhin intelligence agency danga officer-te pawh ramri-ah hian an awm a, 22nd leh 66th battalion SSB chu nasa zawkin an patrol bawk tih an sawi.