BTS te PA tia hriatlar, Hive chairman Bang Si-hyuk chu won billion 13.5 vel hmuchhuak thin building ropui takah chengin, copyright atanga a sum lakluh pawh billion 10 velzet a tling ta.
KBS 2 ‘All Year Plus’ in zirchianna a neihah Chairman Bang Si-hyuk hian bul a tanna ho te mai, langsar lo tak, tu khawkha mahin an hriat loh atangin rimawi khawvel nghawr chhuak dawt dawt thei a vawrhchhuak bakah Korea ramchhungah entertainment industry pawh a thunun hneh hle.
Hive hi khawvelpum huap ang pawha company lar leh hriatlhawh tak niin, tunah hian Youngsan, Seoul-ah an inkulh mek. Basement level 7 bakah lei atanga chhawng 19 vel a ding pe un bawk a, he villa lian leh ropui tak hian kumtin an ram pawisa cheng vaibelchhe 18 vel a lalut ziah anga chhut a ni bawk.
Hei mai a ni lova, an hotupa ber hi ‘HITMAN BANG’ tia hriatlar niin, hla lar tak tak a phuah tawh a, chung zingah chuan GOD leh Rain te pawh a tel. Tunah hian ama hming pualin hla 753 chu Copyright Socity-ah ziahlut fel thlap tawh niin, heng atangte hian sum tam tak a hmuchhuak reng bawk.
Tuna a enkawl mek Hive company hi Time Magazine-i’n ‘100 Most Influential Companies’ a thlanchhuah ah a tel pha nghe nghe bawk.