National Investigation Agency (NIA) chuan Ningani khan October 23-a Coimbatore-a car puak chhuina kal zelah Tamil Nadu-a hmun 43 zet an dap.
Central agency hian Kerala-a Palakkad-ah hmun pakhat an dap bawk.
“NIA chuan Tamil Nadu-a district pariat – Chennai, Coimbatore, Thiruvallur, Tiruppur, Nilgiris, Chengalpattu, Kanchipuram leh Nagapattinam-a hmun 43 leh Kerala-a Palakkad district-a hmun khat an dap,” tiin agency chuan thu an chhuah.
Ningania an dapnaah hian NIA chuan digital device leh lehkha pawimawh eng emaw zat an mi rinhlelhte hnen atangin an man.
Coimbatore-ahhian October 23 khan car a puak a. Police thuneitute chuan puak thei kg 75 zet leh he thila thi, Jameesha Mubeen-a lehkha pawimawhte an hmu a. Police chuan ‘Lone Wolf’ attack tiin an sawi zui.
NIA chuan Mubeen-a hi Islamic State-a tel, thutiam pawh la niin thihchilha cheta thil nasa tak tihchhiat tum niin an hria a, sakhuana lama che chhuak niin an sawi.
Mi paruk man an ni tawh a. “Jamesha Mubeen leh rinhlelh dangte hian bawlhlo chi hrang hrang leh Improvised Explosive Devices atana hman chi an kawl nual a ni,” a ti.