Goal chhuah hmasa zawkah an tang chhungin Inter Milan chak dan thawm a ring a. Bologna lakah goal ruk khungin 6-1 in Nilaini zan inkhelah an chak.
San Siro a Serie A inkhelah Inter Milan hi Juventus laka tlawm hlim an ni a. League a an elpui dangte um turin result tha an mamawhna a sang zual.
Bologna in minute 22-naah hma an hruai a. An goal khung danah vanneihna telin forward Ricardo Orsolini ball pet chu a teammate Charalampos Lykogiannis a per hnuah goal-ah a lut.
Mikhual team lawmna erawh a rei lo. Inter striker Edin Dzeko chuan an si phurh a sut nghal thuai a. Penalty area hmawr atangin goal mawi a khung.
Federico Dimarco chuan freekick mawi khungin halftime hma in Lautaro Martinez chuan a khung belh.
Second half tan veleh Dimarco bawkin a khung leh a. Hakan Calhanoglu chuan penalty atang an goal nga na a khung hnuah Robin Gosens chuan an goal hnuhnung ber a khung.
Inter Milan hian World Cup khelh hma a an inkhel hnuhnung berah Atalanta an tlawh leh ang.
Coach Simone Inzaghi chuan, “Turin a kan result atang kan tho lehnghal thei hi a lawmawm. 1-0 a nihlaia kan tluchhe lo kha kan tan a pawimawh hle.” tiin inkhel a thlirlet.