Mizoram Football Association buatsaih Inter District Senior Women’s Championship 2022 chu November 15 atang hian SDFA Ground-ah khelh tan a ni dawn.
Kumin IDSWFC hi Siaha District Football Association chuan a thleng dawn a, inbuatsaihna pawh ngawrh takin neih chhoh a ni tawh.
He intihsiaknaah hian District FA 10 atangin team an tel thei dawn a, Group A-ah Champhai, Lawngtlai, Saitual, Kolasib leh a thlengtu Siaha awmin, Group B lamah Lunglei, Hnahthial, Mamit, Serchhip leh Aizawl an awm.
Group A leh B hi vawi khat theuh inkhel chhuakin, Group tina a sang pahnih zelin Semi Final an lut ang.
November 26 ah semi final hi khelh a ni dawn a. Final hi November 28-ah khelh a ni ang.
Inkhelh dan tur fixture hi Mizoram Football Association social media-ah te tarlan a ni.