Chief Minister Zoramthanga chuan nimin tuk khan a bial, Aizawl East Ia Muthi, Muanna Veng leh Zuangtui-a COVID-19 leng avanga harsatna tawk leh hmeithaite hnenah puan thui khawl 26 leh litre 1,000 dawng tuizem 13 a sem.
Chief minister chuan hripui vanga state mai ni lo, khawvel pumin harsatna a tawh dan te, kum hnih dawn state budget-a sum dah tawh, hri leng vanga dawn tak loh vang harsatna tak tawh a nih dan a sawi a. Chuti chunga vawiin thlen a ni chu a vanneihthlak a tih thu a sawi.
Puan thui khawl leh tuizem hi MLA Fund hmanga leiin Aizawl East I chhunga chhungkaw khawsak harsa zual thlanchhuah hnenah pek a ni a. A vaiin hemi atan hian Rs. Nuai 8 dah a ni a. A bul tanna a ni a, bial chhung veng dangah pawh sem chhunzawm zel a ni dawn tih sorkar thuchhuah chuan a sawi.