Kum hnih kaltaa a hlawhchhamna chu tha thara kaihthhawh leh tumin Kanye West chuan 2024 US President inthlan hunah a thawhpui (V President) atan Donald Trump a ngen ta.
West hi 2020 khan US Presidential candidate niin, vote 50000 a hmu. A beidawng lova, president chuh ngei a tumna a hnuhdawh rualin 2024 hian a bei nawn leh dawn, tih a puang.
Tunkar chho khan a thutiamin a taka tihhlawhtlin ngei tumin inthlanpui a chuh leh dawn tih a sawichiang ta a, running mate atan US President hlui Donald Trump chu official-in a sawm nghal a ni.
Mr Trump pawh hian karhmasa khan 2024 US inthlanpui chuh a tum ngei thu a puang chiang ve ta bawk a. January 6, 2021 a US Capitol hmunpuia tharum thawhna nasa tak chhuh kaihhnawiha Twitter atanga paihchhuah a nih hnu-a Twitter-a lo let leh ta hian beisei a pha ang em, tih chu hunin a rawn hril ang.