November 22-24, 2022 chhung khan Parvatui Presbyterian Kohhran chuan an kum 100 tlin an lawm.
Centenary lawmna ni hmasa berah nilengin Pathian biak inkhawm neiin Pathuan thusawi ngaihthlak leh zaipawl hrang hrangte nen hun an hmang a. A tukah centenary lawmna rual an buatsaih a. He hunah hian Parvatui Kohhrana lawi tawh zawng zawng leh Chhawrpial Presbytery puipate, bial chhung kohhrante leh bialtu pastor leh pro-pastor lo ni tawhte sawmin, hriat theih chingah mi 165 chuangin ruai an kil a ni.
Parvatui Prebyterian Kohhran hi a din ni leh kum chiah hi hriat theih ni lo mah se, Kristian an nih phei chu kum 1909 vel nia chhut a ni a, kohhran dinah chuan kum 100 aia a tam ngei a ni tih erawh chian niin kum 1922-ah kohhran upa pali – Upa Dengsuaka, Upa Thangluaia, Upa Neihlaia leh Upa Taikhama te thlan ngei an nih thu hriat a ni a. Hemi champha hi an lawm ta a ni.