Central Young Lai Association (CYLA) leh Doctors without Borders tangkawp chuan nimin khan Parva III khuaa Bangladesh raltlante tlawhin an hriselna an endik.
CYLA leh Doctors without Borders hian a thlawna raltlante hriselna an endik bakah damdawi an ei turte a thlawnin an pe a, CYLA chuan raltlante mamawh tur chawhmeh chi hrang hrang leh thawmhnawte an hlan bawk a ni.
Tar lan tawh thin angin Bangladesh ram chhung, Chittagong Hill Tracks-a Bangladesh sipai leh Arakan Army tangdun leh Kuki, Chin National Army-te inbeihna avangin Zohnahthlakte chu an sahimna zawngin Mizoramah lutin Parva III khuaah an awm a, nimin tlai thlenga Parva III khuaa raltlan awm mek chu mipa 156 leh hmeichhia 139, an vaiin 295 an ni.