Memphis Grizzlies superstar Ja Morant chuan tun season atana a triple-double a neih hmasak berna inkhelah New York Knicks lakah a team a chakpui a. 127-123 in Thawhtanni zingah Grizzlies an chak.
Madison Square Garden a inkhelah hian Morant hian point 27, rebound 10 leh assist 14 a nei a. NBA a khelh tawh china a tum nga nan triple-double a nei.
Morant hian Grizzlies team naupang taka rinrawl a nihpui Desmond Bane tel lovin team hma a hruai a. An team in inkhel pum a assist 32 an neih theihna chhan lian tak niin second 13.9 a la awmin an hnehna tihchianna tur lay up a nei zui bawk.
Dillon Brooks leh Jaren Jackson Jr. ten point 23 leh 21 an score ve bawk a. Grizzlies hi vawi 12 chak tawhin West-ah pathumna an ni mek.