Paris Saint-Germain forward Lionel Messi chu tun kartawp khan Major League Soccer team Inter Miami zawm turin inremna a ziak anga sawi nimahsela inremna engmah an la nei lo tih a aiawhten an sawi.
Pathianni zan khan kum 35 mi MLS chanchin a player manto ber ni turin David Beckham-a team in an lalut dawn a, inremna pawh thuphungin a awm tawh niin thu a thang.
US lama inkhelh chu a thil chakte zinga mi a nih thu lo sawi tawh Messi hian nakkum June a zo tur contract PSG-ah hian a nei mek a. Hemi zawh hian MLS lam hi a pan dawn niin an sawi.
Hetihlai hian Messi-a aiawhte leh a lam hnaite chuan tunah chuan World Cup lam chauh a ngaihtuah a. Kumtharah bak contract chungchang leh a hma hun lam a thlir dawn rih lo niin an sawi ve thung.
PSG lam pawh hian tun season a an tana che tha tak Messi hi Parc des Princes-ah kum khat dang la cham tura chelh an tum ve bawk.