Apple Music-in a kawmnaah Jennifer Lopez chuan 2004 kuma tuna a pasal la ni tur Ben Affleck nena an inthen khan thih mai duh khawpin a rilru a kehchhe fai vek, a ti.
Kum 2000 tir lama an inzui hnu a 2004 kuma innei tura engkim tih fel tawh hnu ah Ben-a zawkin thenna biahthu a hlan thut khan a nun ram a chhe fai hneh hle nia sawin, “Kan inthen khan na ka ti ngawih ngawih a, kum 20 liam ta khan a ni.. ka nuna ka la nat ber tum a ni.. thi mai dawna inhriatna kha thinlung taki ka nei hman,” a ti bawk.
“A hnu kum 18 liam leh ta thleng khan ka vir chuai chuai reng a, rilru mumal leh nghet tak put kha harsa ka ti reng. Mahse, tunah chuan kum 20 a liam ta a, tawpna duhawm leh himawm tak a lo ni reng mai,” tiin J Lo hian hun kal tawh a sawi rualin, tuna a pasal ni ta Ben nena pumkhata an insiam thei ta chu mumang a tak ram thleng ta nen a khaikhin a ni.