Star player inlan lo tamna inkhelah Utah Jazz chuan NBA champion lai Golden State Warriors chu 123-124 in an hneh a. Inkhel hmuhnawmah second 1.4 a la awmin Simone Fontecchio chuan an chakna point tur a ‘dunk’.
Utah a Vivint Arena-ah hian Golden State in Stephen Curry, Draymond Green leh Andrew Wiggins te hliam tenau an neih avangin an awl tir vek.
Lehlamah Utah pawhin an player pawimawh ber zing ami pahnih Lauri Markkanen leh Mike Conley te pawh an chhawr thei lo.
Jazz tan hian veteran Jordan Clarkson chuan point 22 score in hma a hruai a. Italian rookie Fontecchio chuan point 18 score in 3 pointer vawi li a lut.
Warriors tan Jordan Poole chuan point 36 a score a, Jonathan Kuminga chuan 24 score ve bawkin tun season a point an score hnem ber tum ve ve a ni a. Inkhel zawhah Kuminga chuan, “Chak thei tur kan ni a, mahse kan chak zo ta lo kha a mak angreng. Hetiang tum hi chu a awm ve thin.” tiin inkhel a thlirlet.