Congress hotu sang zawkten an MP leh chief minister hlui nupui, state-a party chief ni mek, Singh-i aia an thlan tak, Sukhu hi kum 52 mi niin Hamirpur district-a Nadaun bial atanga thlan tlin a ni.
MLA atan vawi li thlan tlin a lo ni tawh a. Thingtlanga piang niin a pa hi bus driver ve mai a ni a, politics-ah hian Shimla-a Himachal Pradesh University-a lehkha a zir lai atangin a inhmang tan a. A hun hmasa lamah chuan Chhota Shimla-ah bawnghnute zawrhna dawr hawngin a nghak thin.
University-a a kal lai hian Congress zirlai pawl, National Students’ Union of India (NSUI)-ah inhmangin a hnuah an president a ni zui bawk.
Himachal Pradesh Youth Congress chief leh Himachal Pradesh Congress chief a ni zui a. Kum 2003 khan a vawi khat nan assembly inthlanah Nadaun bial atanga tlingin kum 2007-ah a tling leh a, 2012-ah tla mah se 2017 leh 2022-ah a tling zawn leh.
Shimla Municipal Corporation chief pawh ni tawhin chief minister hlui, Virbhadra Singh-a nen pawh inkawmngeih tak an ni.