Aizawl : MNF Thalai chuan Myanmar ram tualchhung buaina avanga Mizoram a rawn raltlante chenna hmun hnih, Sihhmui leh Sihphir camp-a awmte an tlawh a, Krismas pualin tanpuina thil pek an hlan.
Thilpek hlanna inkhawmah MNF Thalai Vice President Zodinpuia chuan, Myanmar leh Bang- ladesh tual chhung buaina avanga inhumhimna zawngte hi state thenkhatah chuan India rama rawn lut te hi police-in an man a, lung in ah te hian an inkhung a. Mizoramah erawh Zohnahthlak hnam zawng zawng teana pa nih tling chief minister Zoramth- anga kaihhruaina hnuaiah thlamuang takin an khawsa thei niin a sawi.
Zodinpuia hian, “Ram chuan ri nei mah se, unaute kan inhmangaihna erawh chuan ri a nei ve thei lo. MNF chu Zohnahthlak zawng zawngte In pui leh Zofate insuihkhawmna tura beitu anih avangin MNF thalaite pawhin kan tihtheihtawk kan unaute tan tanpuina vawiin ah hian kan rawn hlan a ni,” a ti.
MNYF thuchhuahin a tar lan danin, Myanmar atanga Mizoram a raltlan te tanpuina tur hian District hrang hrang Deputy Commissioner (DC) te kaltlangin Mizoram sor- kar chuan cheng nuai 400 chuang a pe chhuak tawh a. Hei bakah hian zirlai naupang 6000 chuangte chu an lehkhazir zawmna tur ngaihtuahsakin, uniform leh zirlaibu a thlaw- nin a tumsak mek a ni.
Myanmar leh Bangladesh tualchhung buaina avanga Mizoram a rawn raltlante chhawmdawlna ngaihtuahsak tur hian Mizoram sawrkar chuan India sorkar laipuiah tum tam tak ngenna a thlen tawh a. Heti chung hian India ram chu UN Refugee Convention of 1951 leh 1967 protocol te pawmtu ram a nih loh avangin raltlante hi dan anga Refugee dinhmun India sorkar chuan a pe thei lo a ni.