AIZAWL: DIPR Minister Lalruatkima chuan nimin khan Melthumah V. Lalbiakzama (BZA) Automobile TATA Servicing Centre a hawng.
Hawnna inkhawmah khuallian chuan lirthei neitute tana tangkai leh chhenfakawm tur, V. Lalbiakzama (BZA) Automobile TATA Servicing Centre hawnna hun an han hmang thei chu a lawmawm a tih thu a sawi a. Lirthei nei tute tan chuan Servicing Centre a pawimawh thu leh, lirthei company eng anga tha pawh nise servicing centre tha bul hnaia a awm loh chuan a buaithlak tih a sawi a. “Lirthei company tlachhia kan tih tam takte pawh hi a bul chu an servicing a that tawk loh vang a ni fo a ni,” a ti.
V. Lalbiakzama (BZA) Automobile TATA Servicing Centre hawnna inkhawmah hian Deeptendu Deb, Senior Manager, Customer Care TATA Motors pawhin thu a sawi bawk.