Australian Open hmeichhe singles inelna a seeded number 2 nihna changtu Ons Jabeur chuan an inkhel a set hnihnaah che fuh hleithei lo mahse a tawpah erawh hnehna a chang thova. Tamara Zidansek lakah chakin round hnihna a lut.
Tunisian star tunhnaia hmasawn tak Jabeur hian 7-6 (10-8) 4-6 6-1 in a khingpui hi a hneh a. Hnehna chang tur erawhin a beih nasat a ngai a, a ball vuak a dik tawk loh thin avangin a chak hnuah pawh a inkhelh danah a lungawi chiah lo tih a hmelah a hmuh theih.
Kum 28 mi hi nikum khan Wimbledon leh US Open final khel a ni a, tun tumah a Grand Slam title hmasa ber lak tumin bul a tan a ni.
Melbourne Park-ah hian quarter-final aia thui a la kal ngai lova, nimahsela nikumah Grand Slam inelnaah a chetthat em avangin kuminah champion tura rin zingah a tel.
“Inkhel hautak tak a ni. Ka kheltha tawk lova, ani lahin nasa takin min nawr reng bawk.”
“Kha khan min ti tang ulh zova, ka rilru in world number two nihna hauhtu anga khel turin ka infuih a, ka chak ngei tur a ni tiin inkhelh laiin ka infuih.” tiin Jabeur chuan a chak hnuah a sawi.
Inkhel dangah seeded number four Caroline Garcia chuan 6-3 6-0 in Katherine Sebov a hneh a. Seeded number five Aryna Sabalenka chuan 6-1 6-4 in Tereza Martincova a hneh ve bawk a. Karolina Pliskova pawhin hnehna a chang bawk.