Formula One chuan tun season a neih tura ruahman ni tawh Chinese Grand Prix an thulh tur chu an thlak dawn lo tih an tichiang a. Tun season-ah intlansiak 24 ruahman mahse 23 an tlan dawn tih an tichiang.
F1 hian kumin Chinese Grand Prix hi Covid 19 chungchangah inkhuahkhirhna China in a kalpui dan avangin a thulh a. China hian a zero-Covid policy a hnu lamah thlah dul mahse tunhnaiah Covid 19 case a pun nasat avangin hmalam hun a chiang lo.
Kum 2019 hnuah China-ah hian F1 intlansiak a la thleng leh lova. Formula One thuneitute chuan team te leh inelna buaipuitute chu China-ah awlsam taka luh leh chhuah an theih loh chuan an season kaldan tur a nghawng theih an hlau a, hei vang hian China intlansiak thulh hi an thlang.
Portugal a Portimao tlankawng a intlansiak te chu sawirik ni hman mahse a thleng dawn lo.
Kuminah intlansiak thar pakhat Las Vegas-ah a awm dawn.