Mixed martial arts inelna lian Ultimate Fighting Championship chuan bantamweight huang a title inchuhna a nghawng thui tak nei thei tur fight a buatsaih dawn a. Champion hlui Petr Yan leh invawrh chak tak Merab Dvalishvili te an intum dawn.
March 11 a Las Vegas a UFC Fight Night nei turah hemite pahnih inhmachhawn tur hi main event a ni dawn a. A thuphungin fighter pahnihte hian inremna an nei tawh.
16-4 record nei Yan hi a zawna vawi hnih tlawm mek a ni a, a tlawm dan erawh split decision zel niin UFC bantamweight rankings-ah no. 2 a ni mek.
A khingpui tur kum 32 mi Dvalishvili hi a zawna vawi 8 chak lai a ni a. August thla khan UFC 278-ah UFC legend Jose Aldo a hneh zo chauh a. 135 pound huanga fighter hmuhnawm ber zing ami a ni.