Aizawl : Excise Minister Er. Lalrinawma’n tunkar Nilaini khan Excise Commissioner office, Aizawl district Excise office, Rangvamual Outpost leh Bawngkawn Excise ram te a tlawh.
Er. Lalrinawma chuan Excise department-a thawktute chu midang tana inpe thin leh midang nunna hial chhanhimsak thintu nia sawiin, “thahnemngai taka an thawh rahin mimal leh chhungkua, khaw- tlang himna a thlen phah fo thin” a ti.
Ruihlo leh a kaihnawihin chhungkua leh mimal, a bikin thalaite a tibuai nasa chu a vei thu pawh Excise Minister chu- an a sawi a. Khawtlang mipui leh tlaw- mngai pawl te nena thawhhona tha neih zel a pawimawh thu a sawi a. Excise department-a thawktute chu an hnathawhna leh department thil thleng chu inhrilhhriat zel tha a tih thu a sawi bawk.
Excise Minister hian hmun hrang hrang a tlawhah hian thil tul leh mamawhte department hotute a sawipui a. Bawngkawn Thuam- pui road-a Excise ram te a enfiah bawk a ni.