Inkahhlum chungchang kal zelah Hollywood star Alec Baldwin laka thubuai hlin chu phel niin, October 2021 a thil thleng khan nghawng erawh a nei zel dawn tho.
Emmy award hial dawng tawh actor hi New Mexico-a ‘Rust’ film siam laiin tual thihna chungchangah thubuai pahnih siamsak a ni a, Cinematograpber Halyna Hutchins hi Baldwin-a silai atanga chhuak silaimu tawng fuhin a hmunah a thi nghal.
He thil thleng hian lemchan khawvel a nghawr chhuak nasa hle a, film buaipuina hmuna himna chungchang inkaihhruaina leh zawm tur thil hrang hrang uluk zawka kalpui a tul thu uar taka tlangaupui a ni zui a, mi tam takin fimkhur lehzual nan an hman pah.
Alec Baldwin laka thubuai hlihsak ni tho mah se, kha thil thleng chungchangah khan investigation a kal reng dawn tho a, a tul dan azirin umzui zel tho a ni ang.