Aizawl : Champh- ai-ah nimin khan Civil Services Day puala hun hman niin, Addl. DC Champhai M. Misael-a’n Civil Services Day puala hun hman chuan mipui tana rawngbawltu sorkar hnathawkte thinlungah inpekna nasa zawk tuh ngei se a duh thu a sawi.
Addl. DC chuan “sorkarin nghawngka- wl min bahtir hlenchhuah hi kan mawhph- urhna a ni”, a ti a. “Mipui rawngbawl ka- wngah department hra- ng hrangte hnathawh dan a inang vek lo ma- ithei, mahni huangah theuh erawh theihtawp chhuah zui zel hi kan mawhphurhna a ni”, a ti.
Civil Services Day chu infuihtharna ni ni se a duh thu sawiin, sorkar duh dan leh mi- pui hmakhawngai chu- nga thawk zel turin ka- lkhawmte chu a chah a. Nihna leh dinhmun mai duh tawk lova, a ken tel mawhphurhna, mipuite chhiahhlawh nihna inhriaa theihta- wp chhuah theuh turin kalkhawmte a ngen.
Esther Leihang, SDC-in District administration hnathawh te sawiin, C.C. Sakha- wliana, DCSO-in public distribution system (PDS) chungchang a sawifiah a, Er. ZD Dengthuama, EE, PH- ED Champhaiin Jal Jeevan Mission (JJM) hmalakna sawifiahin, Larry Lalbiaktluanga, RAO, DRDO Champhaiin Rural development scheme pawima- whte a sawifiah bawk.
He huna tarlan a nih danin, financial year 2022-2023 chhungin Champhai district-a Job Card nei 18132 te tan ni 100 inhlawhna siam a ni a. Pradhan Mantri Krishi Sinchayee Yojana (WDC) 2.0, 2021-2022 atan project 2, khaw 4 tuam tur kalpui a ni a. Hemi hun chhung vek hian PMAY (G) hamthatna dawngtu 379 an awm. National Food Security Act (NFSA) 2013 kaltlangin a thlawnin AAY chhungkaw tan buhfai kg 35 leh PHH mi pakhat zel tan kg 5 semchhuah a ni.
Mid Day Meal bakah AAY/PHH beneficiary-te tan fortified rice sem chhuah thin niin, ‘One Nation One Ration Card’ kaltlangin ration card nu- mber hriat chuan kha- wi hmunah pawh ration a lak theih thu pawh sawi a ni a. Dec- ember 2022 thla tir atangin Online LPG Delivery Keifangtlang leh Venglai ah te hma- lakna hmasa atan kal- pui tan a nih thu tarlan niin, kum 2024 ral hmaa thingtlang in tina tui connection pekna tur scheme, Jal Jeevan Mission kaltlangin Champhai district-a khaw 12 tuipekna zawhfel tawh a nih thu leh khaw 30 ah te kalpui mek a nih thu tarlan a ni bawk.
Civil Services Day hi Mizoramah chuan kum 2016 atanga hman tan a ni a. Ram puma hman hmasakna ber chu kum 2006-ah New Delhi-a, Vigyan Bha- wan-ah hman a ni a. India ramin zalenna a neih hnua Home Minister hmasaber Sardar Vallabhbhai Patela’n Administrative Services Officer, probationer-te puala Metcalf House, Delhi-a kum 1947 April ni 21-a a thusawi pualin mipuite rawngbawl tura inhla- nthar lehna atan he ni hi hman thin a ni.