Aizawl : Tuikum bialtu MLA, Minister ni bawk Er. Lalrinawma’n a bial chhung khaw thenkhata hmasawnna hnathawh hrang hrang tlawhin a enfiah a. A bial chhunga hmalakna zingah eizawnna, zirna leh hriselna te chu a ngai pawimawh zual te an nih thu a sawi.
Er Lalrinawma chuan mipui ten hma an sawn tlan theihna tura thil tha an hriatte a hnena inthlahrung lova thlen thin turin khawtlang leh pawl hrang hrang hruaitute chu a sawm a. Hmasawnna hnathawh mek leh bultan mai tur hmabakte chu mahni ta ang taka thawk tur leh enkawl zui tura a duh thu a hrilh.
Minister hian khaw hrang hrang – Hmuntha, Khawbel, Hualtu leh Vanchengte-a school building sak mek te, khelmual laih mek te leh school building sak thar tur te tlawhin a enfiah a ni.