Mapuia Memorial Mizoram Cricket League-ah Chanmarians in Zirtawpni a inkhelah Ramhlun Venglai CC chu wicket 8 in an hneh a. Match thum an khelh tawh a\angin hnehna an la chang vek.
Suaka Cricket Ground-ah khua in a zir loh avangin over 7 a khelh a ni a. Vawm thlang Chanmarians lakah RVL in run 50 an siam a. Ahmaa Ralte chuan out lovin run 26 a siam.
Chanmarians batsman ten chak tura run 51 mamawhin run an vaw chhuak pangngai hlawm hle a. Captain K. Lalremruata chuan run 16 siamin F. Vanlalmuanzuala (19) leh Lalhruaizela (13) te an awm bawk avangin over 6.4-ah wicket hnih hlohin run 51 an siam.
Inkhel hnuhnung zawk ruahin a tihbuai avangin khelh zawh a ni lova. Kulikawn CC leh Luangmual CC ten point khat ve ve an hmu.
Vaw hmasa KCC in run 147 siamin Vikash Kumar leh Sahil Reza ten run 61 leh 66 an team tan an siam.